दयामय ! देव ! दीनेषु दयादृष्टि: सदा देया ।
प्रतिज्ञा दीन रक्षाया दयालो ! जातु नो हेया ।।
मनुष्या मानवा भूत्वा इदानीं दानवा जाता: ।
तदेषा मूढता देशाद् द्रुतं दूरे त्वया नेया ।।
त्वदुपदेशामृतं त्यक्त्वा विपन्नो हन्त लोकोयं ।
तदुद्धाराय चैतेषां प्रभो ! गीता पुनर्गेया ।।
किमधिकं ब्रूमहे भगवन् ! विनीतप्रार्थनैकेयम् ।
यदेते बालका: स्वीया: प्रभो नो विस्मृतिं नेया: ।।
पाण्डेयमहोदयः
बहु शोभना रचना
प्रेरणादायिनी।
Beautiful